ماذا يعني FIB و RIB
السلام عليكم جميعاً،
اليوم راح نحجي عن موضوع مهم جدا، وهواي مهندسين شبكات يشتغلون سنين وما فاهمين شلون الـ Router يقرر وين يبعث الـ Packet.
الموضوع هو:
FIB و RIB.
بالبداية خل نسأل سؤال.
من تجي Packet للـ Router، هل تتوقع الـ Router كل مرة يفتح جدول الراوتات كله ويدور بي حتى يعرف وين يرسلها؟
إذا يسوي هيج، الشبكة كلها راح تصير بطيئة.
لهذا السبب الـ Router يستخدم جدولين مختلفين:
RIB
و
FIB.
أول واحد:
RIB
اختصار لـ:
Routing Information Base.
هذا الجدول يعتبر مخزن كل الراوتات اللي يعرفها الـ Router.
يعني يجمع كل المعلومات اللي تجيه من:
– Static Routes
– OSPF
– EIGRP
– BGP
– Connected Networks
بمعنى آخر، الـ RIB مثل دفتر كبير بي كل الراوتات الموجودة بالشبكة.
لكن انتبهوا، الـ Router ما يستخدم الـ RIB حتى يمرر الـ Packets.
هنا يجي دور الـ FIB.
شنو يعني FIB؟
اختصار لـ:
Forwarding Information Base.
هذا الجدول يحتوي فقط على أفضل المسارات اللي راح يستخدمها الـ Router فعلياً.
يعني الـ Router ياخذ أفضل Route من الـ RIB ويحطه داخل الـ FIB.
ليش؟
لأن الـ FIB أسرع بواية.
موجود بذاكرة سريعة، وبعض الأجهزة تخزنه داخل الـ Hardware حتى يگدر يمرر ملايين الـ Packets بالثانية.
خل ناخذ مثال.
عدنا الشبكة:
192.168.1.0/24
ووصللها أكثر من Route.
مثلاً:
واحد من OSPF.
واحد من Static Route.
واحد من BGP.
الـ RIB يخزنهن كلهن.
بعدها الـ Router يقارن بينهن باستخدام:
Administrative Distance
وإذا احتاج:
Metric.
وبعدين يختار أفضل Route ويحطه داخل الـ FIB.
من توصل أي Packet، الـ Router ما يراجع الـ RIB.
يروح مباشرة للـ FIB لأن أسرع بواية.
يعني باختصار:
RIB يفكر.
FIB ينفذ.
شنو يصير إذا وكع Link؟
مثلاً انقطع خط بين Routerين.
الـ Routing Protocol يحدث الـ RIB أولاً.
وبعدها مباشرة يتحدث الـ FIB.
ولهذا تشوف الشبكة ترجع تشتغل بسرعة وما يصير انقطاع طويل.
أوامر Cisco:
لعرض الـ RIB:
show ip route
لعرض الـ FIB:
show ip cef
إذا تريد تفهم شلون الـ Router يشتغل من الداخل، لازم تفهم الفرق بين هذني الجدولين، لأن أي Packet تدخل للـ Router بالنهاية قرارها الحقيقي ينحسم داخل الـ FIB، مو داخل الـ RIB.
