اليوم راح نحچي عن مصطلح يمكن هواية ناس سامعين بيه، لكن قليل يعرفون شنو معناه.
Air Gap Attack.
بالبداية…
شنو يعني Air Gap؟
ببساطة…
هو كمبيوتر أو شبكة مفصولة نهائياً عن الإنترنت وعن أي شبكة ثانية.
يعني لا بي Wi-Fi…
ولا Ethernet…
ولا أي اتصال خارجي.
غالباً هاي الأجهزة تنستخدم بالمصارف، والمحطات الكهربائية، والمطارات، والمنشآت العسكرية، لأن بيها بيانات حساسة جداً.
هسة يجي السؤال…
إذا الجهاز مو مربوط بالإنترنت، شلون ممكن ينخترق؟
هنا يجي مفهوم Air Gap Attack.
المهاجم ما يعتمد على الإنترنت.
يعتمد على طرق ثانية حتى يوصل للجهاز.
مثلاً…
أحد الموظفين يشبك USB مصاب.
أو جهاز صيانة ينربط بالشبكة.
أو لابتوب كان متصل بالإنترنت وبعدها انربط بالجهاز المعزول.
بهالطريقة يگدر يوصل البرنامج الخبيث للجهاز بدون أي اتصال مباشر بالإنترنت.
وأكو باحثين أثبتوا أنه حتى بعد إصابة الجهاز، ممكن يطلعون بيانات بطرق غريبة.
مثل إشارات الراديو…
أو البلوتوث…
أو حتى الذبذبات الصوتية العالية اللي الإنسان ما يسمعها.
وأشهر مثال بالعالم هو فيروس Stuxnet.
هذا الفيروس استهدف أجهزة كانت معزولة عن الإنترنت، وانتقل إلها عن طريق USB، وبعدها أثر على أنظمة التحكم الصناعية.
ولهذا السبب مجرد فصل الجهاز عن الإنترنت ما يعني أنه صار محصن 100%.
إذا ماكو سياسات حماية، أو رقابة على أجهزة USB، أو توعية للموظفين، يبقى احتمال الاختراق موجود.
