Wi-Fi Sensing

. السلام عليكم ورحمة الله وبركاته

: اليوم راح نحچي عن تقنية يمكن أول مرة تسمعون بيها، واسمها

Wi-Fi Sensing

.أغلبنا يعرف أن الواي فاي وظيفته ينقل البيانات بين الأجهزة والراوتر

لكن شنو لو كلتلك إن نفس إشارات الواي فاي تكدر تعرف إذا أكو شخص داخل الغرفة… حتى لو ما شايفته كاميرا؟

. Wi-Fi Sensing هاي الفكرة بالضبط يسموها

شلون تشتغل؟

،Wi-Fi لما الراوتر يرسل إشارات

. هاي الإشارات ترتد من الجدران، الأثاث، والأشخاص الموجودين بالمكان

.إذا شخص تحرك، حتى لو حركة بسيطة، مثل تحريك اليد أو المشي، راح تتغير طريقة انعكاس الإشارة

النظام يقيس هاي التغييرات ويحللها باستخدام خوارزميات متقدمة، وأحياناً باستخدام الذكاء الاصطناعي، حتى يعرف شنو صار داخل المكان

.يعني هو ما يشوف الشخص مثل الكاميرا، وإنما يحلل تغيرات موجات الراديو

وين ممكن نستخدمها؟

. تشغيل الإنارة أو التكييف تلقائياً عند دخول شخص إلى الغرفة *
. أنظمة الإنذار الذكية وكشف الحركة *
. مراقبة كبار السن واكتشاف حالات السقوط بدون كاميرات *
. المنازل الذكية *
. المستشفيات لمراقبة المرضى *
. المصانع لمعرفة وجود الأشخاص في المناطق الخطرة *
. تحليل عدد الأشخاص داخل القاعات أو المباني *

شنو مميزاتها؟

.  ما تحتاج كاميرات

. ما تحتاج الشخص يلبس جهاز معين

. تشتغل حتى بالظلام

.وتحافظ على الخصوصية أكثر من الكاميرات لأنها ما تلتقط صور أو فيديو

. لكن بنفس الوقت عدها تحديات

. إذا كان المكان مزدحم أو بيه أجهزة كثيرة، ممكن تتأثر دقة النتائج

. وكذلك تحتاج معالجة ذكية للإشارات حتى تفرق بين حركة الإنسان وأي تغيرات أخرى داخل المكان

، Qualcomm وIntel وTP-Link وCisco اليوم شركات مثل

، Wi-Fi Alliance إضافة إلى تحالف

. Wi-Fi تشتغل على تطوير هاي التقنية حتى تصير جزء من الأجيال الجديدة من أجهزة

Wi-Fi  ولهذا يتوقع كثير من الباحثين أن

 بالمستقبل ما راح يكون مجرد وسيلة لنقل الإنترنت، وإنما راح يتحول أيضاً إلى نظام استشعار ذكي يفهم البيئة المحيطة ويتفاعل وياها