هو جهاز محمول احترافي يستخدم لفحص وتحليل الشبكات السلكية واللاسلكية ويخدم مهندسين الشبكات والـ IT خصوصاً اللي يشتغلون شغل ميداني.
الجهاز يجمع هواي أدوات بجهاز واحد
يگدر يفحص Ethernet و Wi-Fi ويكتشف كل الأجهزة المتصلة بالشبكة مثل السويتشات، الراوترات، الاكسس بوينت، وأجهزة الـ IoT. كذلك يطلع مشاكل الإعدادات مثل IP و DHCP و DNS و VLAN وأخطاء الربط بالشبكة.
من ناحية الأمن السيبراني، الجهاز يسوي فحوصات أمنية أساسية مثل كشف الأجهزة الغريبة أو غير المصرح بيها
(Rogue Devices)، فحص المنافذ المفتوحة وتقييم أمان شبكات الواي فاي.
ويدعم أدوات معروفة مثل Nmap و SNMP، بالإضافة إلى وجود Spectrum Analyzer لتحليل التشويش والتداخل بالوايرلس.
أهم ميزة بيه هي Auto Test، تضغط زر واحد وهو يسوي مجموعة اختبارات تلقائياً ويطلع تقرير كامل وجاهز (PDF)، يسهل ترسلة للإدارة أو للزبون ويوفر وقت وجهد كبير.
الجهاز موجه أكثر شي للشركات ومزودي الخدمات ومهندسين الشبكات اللي يشتغلون بالميدان بشكل يومي، يفيدهم بالسرعة وتنظيم الشغل، بس ما يغني أبداً عن الفهم الحقيقي للشبكات، لأن الجهاز يطلع النتائج، بس القرار والتحليل يعتمد على خبرة المهندس.
سعرة غالي تقريبا بين 10 الاف دولار الى 18 الف دولار أمريكي
خدم لفحص وتحليل الشبكات السلكية واللاسلكية ويخدم مهندسين الشبكات والـ IT خصوصاً اللي يشتغلون شغل ميداني.