هذا الموضوع يُدرّس ضمن المسارات المتقدمة لشهادة Cisco CCIE، ويُعتبر من التقنيات الحديثة المستخدمة في شبكات مزودي خدمة الإنترنت (ISP) ومراكز البيانات (Data Centers)
السلام عليكم جميعا
شباب… قبل لا نحچي عن Segment Routing، لازم نجاوب على سؤال مهم.
ليش Cisco وكل شركات الاتصالات الكبرى استثمرت مليارات الدولارات حتى تطور تقنية جديدة؟
إذا كان MPLS يشتغل بصورة ممتازة، ليش احتاجوا Segment Routing؟
السبب هو أن الإنترنت تغير.
قبل عشرين سنة، الشبكات كانت أبسط، وعدد الأجهزة أقل، والترافيك محدود.
أما اليوم…
عندك خدمات سحابية، وشبكات 5G، ومراكز بيانات ضخمة، وإنترنت الأشياء، وكلها تحتاج قرارات توجيه أسرع وأكثر ذكاءً.
بروتوكولات مثل LDP وRSVP-TE كانت ناجحة، لكنها تعتمد على إنشاء حالة (State) داخل كل Router.
يعني كل Router لازم يحتفظ بمعلومات عن المسارات والاتصالات اللي تمر بيه.
كلما كبرت الشبكة، كبرت كمية المعلومات اللي لازم يخزنها كل Router.
وهنا تبدأ المشاكل.
استهلاك أعلى للذاكرة.
استهلاك أعلى للمعالج.
إدارة أعقد.
وزمن أطول حتى ترجع الشبكة تستقر إذا صار انقطاع.
هنا ظهرت فكرة مختلفة تماماً.
بدل ما نخلي كل Router يفكر ويقرر…
ليش ما نخلي الـ Router الأول هو اللي يحدد الرحلة كاملة؟
بقية الراوترات ما عليها إلا تنفيذ التعليمات.
هذا هو المبدأ الحقيقي لـ Segment Routing.
الفكرة مو مجرد بروتوكول جديد…
الفكرة هي تغيير طريقة التفكير ببناء الشبكات.
بدل ما نبني شبكة تعتمد على قرارات كل Router بشكل مستقل…
نبني شبكة يعتمد بيها المسار على تعليمات محددة مسبقاً، مما يقلل التعقيد ويرفع سرعة الاستجابة عند حدوث أي تغيير بالشبكة.
ولهذا السبب، Segment Routing ما جاء حتى يستبدل MPLS فقط.
بل جاء حتى يبسط تصميم الشبكات، ويقلل عدد البروتوكولات، ويرفع كفاءة تشغيل شبكات الـ ISP والـ Data Centers.
بالموضوع القادم راح نتعمق أكثر، ونتعرف على مفهوم الـ Segment Identifier (SID)، وشنو الفرق بين SR-MPLS وSRv6، وليش أغلب الشبكات الحديثة بدأت تتجه نحو Segment Routing.
